السلام عليكم ورحمة الله وبركاته ،، انا بالأمس صليت قيام الليل والوتر ودعيت من كل خاطري في شي اتمناه يتحقق ويصير وبعدها قمت استغفر واسبح واذكر الله واصلي على النبي لين اذن الفجر وصليت وبعدها تعوذت من الشيطان وتشهدت ونمت،، فحلمت اني شفت بنت وزنها ثقيل ومتينة وبعدها خف وزنها وصار بالوزن المثالي فقلت فخاطري ( قد جعلها ربي حقا ) وانا اقولها حاسه بالايمان القوي انه هذا الحلم وتحقق وعقب سمعت الناس تقول كيف مستحيل هالشي يصير كيف تحقق وصار لها، فشفت البنت هذي كانها انا واقفة عند طاولة ارتب عليها صحون بيضه ومزخرفة بورد وحلو شكلهم والفرش ابيض ونظيف وانا شكلي مرتب ومتزينة وشعري مرتب والشيلة على راسي وابتسم وكلي يقين بربي وايمان قوي فقلبي فكان ردي على الناس وانا ابتسم ( يأتي بها الله ان الله لطيف خبير ) وبس قمت من النوم ،،