حلمت اني كنت طالعه مع ريلي محمد من البيت . بس مش بيتنا ..وكنا بنروح نركب السياره واحنا نمشي صديت على يساري لفت نظري جي بقعه مكود فيها اشياء..مثل يوم الماي يجرف التراب ويرسبه..واني اشوف خمس دراهم نوط مربوطه بشريطه طويله معلقه ..قمت وشلتها جان يقول محمد هذيلا اولادج يعقون الفلوس ...جان ادور على المكان واقوله حصلت درهم والحين بدور انا معروفه دومي احصل ربابي دراهم يعني وانا اتكلم والقط الدراهم وانا احفر الرمل ومحمد يقولي شو تبين فيهم خليهم اقوله نعمه الله هاي فلوس ...وانا ادور شفت مثل عضام حيوانات ماكوله ولذكر اني شفت ريول ضفدع ةجزء من قبقوب يبين انهن ماكولات قريب ..خفت وقلت له في افعى في المكان ..قال اذا تبين روحي شغلي السياره واسمعي الرادوا عن الطحنه هاي مثل الي مش مصدقني ومتضايق ...وتوني بدور زياده وانه تطلع لي افعى بنفسجيه صغيره بس كل ما زحفت تكبر ولونها بنفسجي جميييل زاهي ومخططه بابيض..اقوله شفت قتلك في افعي وخفت وجان اتحرك بسرعه ابا اروح السياره ..ومحمد يقولي لا تركضين تمي مكانج ولا بتلحقج ...قمت من الخوف وهي تلحقني افتريت من الصوب الثاني ابا ادور صوب السياره واني اشوف ٣ حرمات يايات ناحيتي لابسات نفس اللون البنفسجي مال الافعى ...وانا خفت منهم انهم يؤذوني ..وافكر انهن افاعي متحولات بس جميلات ..وانا ابا اروح السياره وخايفه منهن لانهن يمشن حذاها وعقب مرن حذايه وما سون فيني شي وييت بكمل عشان اركب وانه وحده ثانيه واقفتلي حذا السياره لابسه بنفسجي بس شوي على مارون قلت هاي هي الافعى في بالي تمت تطالعني بعدين اختفت ..كملت بركب واني اشوف هندي لابس عمامه سيخ وشواربه كبار طاف من جدامي يدز كرسي متحرك ...شكيت فيه قتله ليش ادز كرسي قال هذا ريال مسكين ما يقدر يمشي ..بس نظراته لي كانت خبيثه ..فجاه شفت السياره صارت مثل فان وحد كان بيركب معايه