السلام عليكم ورحمة الله وبركاته كيف الحال عزيزتي ، أنا عندي مشكلة أن وأنا راقدة عادي ارد على أي مكالمات أو رسايل بالبرنامج لكن من دون وعي عادي أقول شغلات أنا بوعيي ما أقولها يعني أمور داخلية لكن اللي يصير أكتب أو أرد على المكالمات ومن أنش ما اتذكر شيء يعني حتى أحيان احذف هالمحادثات وما أعرف أني تكلمت أو رسلت إلا من الأشخاص نفسهم وهم لو ما كانوا ما خبروني ما كنت عرفت ..حتى بعد ما يقولون لي ما اتذكر أني سويت هالشيء وغير جي لوووو صار وتذكرت يكون بالنسبة لي الأمور ضبابية وجنها حلم هذا في حاااال لو تذكرت ..لكن معظم وقتي ما أتذكر أني سويت أو قلت أو تناقشت في مواضيع وأنا راقدة ، وحيييل اضغط على راسي علشان اتذكرررر وراسي يعورني كثير .. قلت بتخذ أول خطوة ..ابعد عني الموبايل وقت الرقاد علشان اتجنب هالشيء أني أتناقش أو أراسل حد بدون ادراك للي أقوله يعني أحس اللي يصير كأنه كلام من الباطن ما أقوله بالوعي فأقوله بالرقاد ..ماعرف والله ..بس ياليت تساعديني.