السلام عليكم ورحمة الله وبركاته، حلمت باني كنت قاعده مع شخص انا اعرفه لكن هيئته في الحلم غير عن الواقع كان يشبه ممثل تلفزيون ماعرف اذا مشهور او لا بس هو ممثل وشكله جميييل وعيونه عسلية حلوه وهالشخص معجب فيني بشكل مو طبيعي ونطراته كلها تبين هالشي وانا في داخلي فرحانه ومستانسه ومرتاحة منه ، كنا نغني مع بعض بوناسه واصواتنا كانت جميلة مع بعض ومن كثر ما انا مستانسه قلت له انت عندك موهبة جميله ليش ماتخلي الناس تعرف عنك فجاه لقيت نفسي في مكان كانه مدرسة وقاعده ارتب المكان وانا شعور الفرح والراحة شايلني من على الارض وفي وحدة كانت تساعدني بس حزينة انا اشوفها حزينة بس ابدا ما اهتميت لها وفكرت بنفسي وبسعادتي وبعدين وصلو الناس كانو شباب وبنات يعني جمهور كبير ، واهلي من ضمنهم وكانو اهلي مستانسين وفخورين فيني اني بقدم هالشي وابوي كلم الشخص وقاله انت بيتكم قريب من بيتنا ومناسب لبنتي تقدر تتزوجها وكنت اشوف امي وانا مستانسه وخجلانه انه ابوي وافق وكاني كنت اعرف مسبقا انه هالشخص بيتزوجني من اعجابه ونظراته وكل ما اشوفه احس بسعاده وراحه ومثل استقرار بعدها مسكت المايكرفون وقدمت وتكلمت عنه ودخل هو ومسك المايكروفون ، وصار المكان هادي وقلت في داخلي سبحان الله كيف الحياه تغيرت بين يوم وليله وانا جدا جدا سعيدة.