حلمت انه كنت جالسه فالصاله مع زوجي والصغار وباب الصاله مفتوح وفجأه جت ريح قويه من قوتها شفت جدار البيت اللي صوب المجلس ينحني واقول لزوجي شوف اليدار بينجلع وهو ما كان مهتم صارت هالحركه مرتين او ثلاث مرات كل ما تجي موجه ريح قويه ينحني جدار البيت قمت رحت اشوف غرفتي والممر مال البيت كان فيه اضاءه من قوة الريح انكسر زجاج الاضاءه وانا امشي اقول شكلها القيامه بتقوم ودخلت غرفتي كان ولد اختي نايم ع السرير قلت هذا كيف نايم وما حس باللي يصير لقيت شباك غرفتي مفتوح سكرتها وبعدين رديت فتحتها شوي خفت يصير ضغط هوا وتنكسر طلعت الصاله جت موجه الريح وطاح ثلج مكعبات كبيره كثير وصل لين داخل الصاله وشلت منه بفرحه وكلت حبتين او ثلاث .. طلعت برا لقيت باب الحوش مفتوح وشي باب من صوب الكراج بعد مفتوح اقول لحميد ابني روح اقفل الباب سيارات تمر وما يسمع يالس يلعب فالثلج