زبون جديد
06/10/2020 05:31
السلام عليكم ورحمة الله وبركاته
حلمت اني كنت قاعده على السفره مع امي وابوي وخواتي ، هم يتريقون وانا قاعده معاهم وكان تلفون امي يرن وحده تتصل فيها وكان مكتوب اسمها بس امي ماترد عليها رن اكثر من مره وماردت عليها بعدين اخت الحرمه اتصلت في امي وقالت لنا سكتو شوي بكلم الحرمه ردت عليها كانت تقوللها اوك شو المواصفات وكيف هو اسمر طويل او قصير وانا في بالي قاعده ارسم الشخص انه اسمر وقصير ورياضي جسمه ، بعدين سكرت عنها وقالت لابوي المواصفات ووين يداوم ابوي قال اذا من هذي الفئه مايناسب الزواج اذا من الفئة الثانيه يناسب وانا ما اذكر شو كانت الفئات بس كان راضي وقال خلاص خلهم اييون للنظره الشرعيه وبعدها امس قالت ها شو قلتي وانا متضايجه مابا هذا الشي والريال ماعرفه منو هذا ، فقلت لها خلاص خلهم ايون وكلهم فرحو الا انا من داخلي متضايقه وقلت فخاطري خلاص انا انخطبت رسمي والخطوبه صارت رسميه وما كنت مستانسه حتى اني اكلم صديقاتي واقولهم اني انخطبت