كانوا مسويين بطايق يداد هوية وبطاقة ثقة .. وسرت عشان أطلع بطايقي يت حرمه وقلتلها اسمي ويابت بطاقتين مب لي وشفت صوره حرمه غريببه ف البطاقه وقلتلها مب موجوده بطايقي .. وقالت أنتي اي حرف الا اتيي سلامه وتقول حرف (س ) وعطول الحرمه يابت كل الاسماء. وجه اختي الكبرى اسمها سلامة عطول خذت الاوراق وخذت بطاقتها انا اول ما فجيت الاوراق حصلت اول ورقه بأسم الاسم : أحمد سلوم ثابت سعيد الجنيبي ( متوفي) يلست اطااالع ومنصدمه وعقب يلست اجلب الاوراق الا اشوف ان هاذيل صوره هوو ( شفت صوره ولد عود يعني شباب وجمممممييييل عيونه كبار وكأن نور ع ويهه ومبتسم ف كل الصور ) .. الغريب فالموضوع ع لان توفى وهو صغير ! توفي غريق كان عمره اربع سنوات !! وهل الأطفال لما يموتون يكبرون !!