السلام عليكم، في رموز تتكرر عندي فالاحلام من نفس الشخص اللي هي بنت خالتي، قبل عشر ايام تقريباً حلمت اني اكون فمكان كأنه نفس حديقة الحيوان اللي فالعين ( قسم المطاعم او الكراسي) واكون كاني كنت حاطة شيلتي عند بنت خالتي ( اسمها صفاء ) وضيعتها هي ورحت ادور شيلتي وادورها بعدين اتصلتلها بالتلفون سألتها وين حطيتيها؟كأنها ضيعتها وقالت محد قالج تحطين شيلتج عندي. رردها كان مستفز، وعقب تميت ادور شيلتي وامشي كذا بدون شيلة بس لابسة عباية واحس كنت متفشلة. بعدين شفت وحدة قديمة اعرفها ايام المدرسة يمكن فالاعدادية ، اسمها سارة جالسة مع وحدة لابسة برقع(مش نقاب) امها او جدتها ماعرف بالظبط، رحت سألت سارة شفتي شيلة سودة؟ وانا أكلمها ألاحظ واستوعب ان ع رقبتي فيه شيلة بس لونها اخضر،، بس مش هي الشيلة اللي كنت ادورها. بعدين كأني كنت أتدارك الموقف اني ماشفت الشيلة اللي ع رقبتي ، وقلتلها مش هذي مش نفسها ماريد ألبس هذي تبين ملفتة ، اريد شيلتي السودة ، فا ردوا علي يقولون لا ما شفناها .. وعقب رحت و الشيلة الخضرا لبستها حطيتها ع راسي. تكرر حلم ضياع الشيلة بس في عزيمة ادور شيلتي وعلى ماتذكر ان بنت خالتي شلتها او ضيعتها ماتذكر بالظبط وحلم اخير كانت كأني في حفلة او مناسبة وصابغه شعري اششقر والبنات كلهم عجبهم اروح أقول لامي شفتي احلى علي من الغامق او الاسود ( اللي اقصده لون شعري الاصلي) بعدين جت بنت خالتي صفاء كانها تسلم على اختها اللي من نفس عمري وانا اسمعهم وتسألها علي منو هذي؟ كأنها الشحرورة . يعني ماعجبها لون شعري 😂 وفقط انتهى الحلم اسمي ريم. عزباء/عمري ٢٦ بنت خالتي اسمها صفاء متزوجة لديها ابناء. عمرها اظن ٣٢