في الحلم كنت في منزل اهله و كنا منفصلين او كان في خلاف من بيننا و هو كان يريد يراضيني و قال لي تعالي البيت انا وصلت بيت اهله قبله و كنت اتصل فيه اساله وينه و كنت حاسه بغيرة ليش هو تأخر علي و كنت اتكلم مع اخوه الصغير و اخته الصغيرة كانوا معاي فالغرفة و فجأة دخل قال يلا البسي و تعالي سلمي على ابوي قلت له اوك و كانت عندي شنطة كلها ملابس يديدة و حلوة و كنت محتاره شو البس و راح برع عقب رجع انا كنت لابسه جلابيه مغربية و كنت ابا حد يساعدني في ربط الحزام هو ربط لي الحزام و قال لي محلوه و اشتقت لك و عطاني بوسه قلت له مش الحين راح يشوفونا تعال داخل و كان فالغرفة نافذة كبيرة تطل على الصالة الخارجية و كنا الحين بنطلع من الغرفة عشان نروح نسلم على ابوه دخلت امه الغرفة و سلمت عليها و تفاجأت من شافتني و كانت معاها بنت تدور عباتها كانت معلقه عندنا فالغرفة و جان تشل عباتها و امه قالت لي بنروح بيت حد من الاهل بنسلم عليهم بتين ويانا قلت لهم لا و طلعوا بس فالحلم انا كنت مستانسه لاني شفته