السلام عليكم حلمانه البارحه في يوم النظره الشرعيه كنت يالسه فالميلس( بيت الريال ) و اتريا الريال يدخل علي فالبدايه كل شي كان حلو انا كنت مستحيه و هو كان يمدح فيني و كان وايد منعجب فيني حسيت ان هو بس حاب شكلي و جسمي ، قبل الشوفه اهلي قالولي ان في واحد وياج فالجامعه ( اكمل دراسة الماجستير) هو يباج و هو اللي مشا امورج فالجامعه ، المهم مثل ماقلت البدايه حلو بس عقب الوضع ستوى غريب ان فجاء يهال كانوا يركضون داخل و مسوين حشره و هو كان يعصب عليهم و يحاول يضربهم شفت جانب منه يخوف و غريب ان عصبي ، و امي كانت تقول لامه ان كيف جي و وين بنتي بتيلس اذا يت بيتكم دام كله حشره البيت و امه شوي كانت شايفه ردت على امي بطريقه خايسه شوي ( ترا بنتج بتيلس فحجرتها مرتاحه بعيده عنهم )