زبون جديد
08/04/2021 23:40
انا بنية عزباء توفي والدي يرحمه الله السنة الماضية الحين كمل تقريبا ستة شهور ونص سافر لبلاده زيارة قصيرة ولكنه توفي هناك وهو يصلي صلاة الظهر ف سجادته 13سبتمبر ٢٠٢٠... انا دوم ادعيله واتصدق عنه و فاته كانت صدمة قوية لنا ولكن ارادة رب العالمين والحمد الله وانا لله وانا اليه راجعون...احنا عايشين ف الامارات وابوي الله يرحمه توفي ف بلادنا ودفن هناك حتى ماقدر ازور قبره اتمنى ازوره لاني سمعت انه الميت يحس بمن يزوره من اهله وانا حزينه لانه الحين كورونا والسفر صعب ...هالاسبوع يوم الاثنين قررنا نذبح ذبايح صدقة عن والدنا وتم توزيعها عل محتاجين ف نفس المدينة الي اندفن فيها ....ف انا طول هالاسبوع كنت ابكي وااايد لاني واايد اتذكره وهالشي من توفى الله يصبرنا وكنت ادعي ف صلاتي و دعيت الله انه يوريني ف المنام حالة والدي ف حياة البرزخ ليطمئن قلبي...المهم حلمت اليوم بوالدي الله يرحمه ومازلت لهذي الساعه اتذكر الحلم والمشهد واضح عندي ...الحلم كان شفت انا واخوي الكبير وبعض من اخواني الثانيين يالسين ف صالة بيتنا القديم وابوي الله يرحمه كان يالس جنبي كان كما عهدته كان لابس كندورة بيضه وجاكيت لونه بيج فاتح وغترة بيضه كان شكله حلو وكان اجتماعنا ع اساس نتكلم عن بيوتنا الي كان ابوي قبل ما يتوفى يشوفها وسافر عشانها اخوي الكبير حاليا يبا يدير امور البيوت بدون ما يستشير الورثه هاذا ف الواقع وف الحلم اجتمعنا عشان هالموضوع والغريب ابوي كان يالس من بيينا ويسمع ما كان يتكلم انا قلت حج اخوي الكبير عيب هالشي الي تسويه وفجأة وانا اكلم اخوي اختي الكبيرة عطت ابوي الله يرحمه باقة ورد حلوة الباقة ملفوفه بكيس بلاستيك وردي حلو ف ابوي مسك الباقة كانه يشمها وكان فوق الباقة نور وانا اشوف يالسه عداله بعدها وهو ماسك باقة الورد طاحت ورد من الباقة بس ماكنت اشوف الورد المهم يوم طاحت الوردات لفيت اشوف ع يساري ابوي حالته اتغيرت كان يالس ف الارض ويمسك الوردات الي طاحت ويزرع ف الارض و شفته كانه لابس قميص ورافعه لين المرفق عشان يعرف يزرع وكان يتكلم وياي كان فرحان وقالي انا اتزوجت او ملجت ف انا اذكر ف موضوع زواج وقالي وهو يكلمني فانا وانا ف الحلم و واشوف ابوي الله يرحمه قلت لنفسي هاذا ابوي اتزوج ف الاخره وكنت فرحانه يوم شفت يزرع زرع من الورود الي طاحت وبعدها قمت من النوم و اول ما قمت قلت ابوي زارني ف المنام حلمت فيه الله يرحمه وجميع موتى المسلمين اذا انته مفسر اتمنى تفسر لي وجزاك الله خير
