حلمت من عشر أيام إني كنت في بيتنا بتاع بابا وماما بس هوا مش زي الحقيقه كان منور قوي وكنت حاساه غريب وبعد كده لقيت أمي المتوفيه جت ومعاها شنطتين يد اللي بنخرج بيهم واحده صغيره ولونها بيج والتانيه كبيره وبالمعنى ولونها احمر وفضي وبتلمع قوي فسألتني اي واحده احلي قلتلها الكبيره واخدتها منها وفتحتها لقيت فيها ٣ شيكولاته باتشي وكذا قلم فضحكت وبقولها ايه ده انتي مخبيه الشيكولاتة فضحكت وقالتلي اه عشان اكلها ف العيد او عشان العيد مع العلم انها كانت بتحب الشيكولاته جدا وهيا عايشه بس واديتها الشنطه ومشيت دخلت اوضه كلها نور اصفر كده ومنوره قوي لقيت عقد ذهب طويل لبسته قلت ده طويل قوي قمت قصرته شويه بس مع العلم اني متزوجه . وحلمت حلم تاني بردوا ومعايا أمي المتوفيه كنا علي البحر انا وعائلتي وهيا معانا وكأنها عايشه وقعدنا ع البحر وفاجأه تليفوناتنا المحموله كانت ع الرمله وجت مايه البحر غرقت التليفونات وكان من ضمنهم تليفون ماما ومسكته بعدها ولقته اشتغل كانت مبسوطة قوي وشغلت اغنيه عليه قلتلها تقفليه عشان مايبوظش وبعد كده دخلنا مكان عشان ناخد دش عشان البحر زي حمام فلقيت بنت اختي هيا طفله لسه سنه ونص قاعده وسببت ماما المتوفيه تلعب معاها وكانت مبسوطه وانا رحت حطيت شامبو علي راسي وبس وقمت من النوم عاوزه تفسير للحلوين دول .