كنت رايحه البر بروحي و على اساس اني برقد هناك بروحي وكنت مجذبه على الكل انه بروح برقد ويا اربيعاتي مب بروحي رحت ورقدت في البر بروحي في منطقة راس الخيمة وثاني يوم يوم نشيت وراده البيت خليت اغراضي و شنطي وملابسي حطيتهم في الشارع ورديت بدون سبب وانا راده اول اماره بعد راس الخيمة هي ام القيوين و على اساس انه بالغلط ضيعت و دخلت ام القيوين وكاني رحت حياه ثانيه حياه بدائيه قديمه وبعدين كنت متبهدله احس ويهي عليه تراب و مضيعه وخايفه وعقب يا عندي ولد صغير كنت ابا افهمه اني مضيعه وابا ارجع البيت بس كان صغير وما فهمني و عقب هالولد مسك ايدي و وداني عند بيتهم نفس خيمة وشفت ابوه وعقب ابوه ابتسم لي وعقب طمني وقال لا تخافين بساعدج وبطلعج بعدين الولد و الابو اختفوا وبعدين كنت واقفه ويا بنت اتوقع هاي البنت كانت اخت الولد وكنت واقفه وياها ( وكل هالاشخاص ما اعرفهم في الحقيقه )واحاول اني اتواصل ويا حد علشان يساعدني ف اول شخص كلمته هو شخص قريب مني فالحقيقه و حاولت اتصل فيه اكثر من مره و ما كان يرد ابداً وكنت ابغي اقوله انه يروح يشل اغراضي و اييبها عندي وانا متاخره و خايفه من امي ويوم شفت مافي فايده حاولت اتواصل مع شخص ثاني و كنت احاول اني اطلع رقمه لنه ماعندي و كنت متأكده اني اذا تواصلت ويا هالشخص اعرف انه بيساعدني ( مع العلم هذا الشخص الثاني من نفس المنطقة ( راس الخيمة ) و من فتره طويلة ما اتوصلت معاه في الحقيقه ولا اعرف عنه شي ) وعقب شفت انه مافي فايده كنت اصيح و البنت تقول لا تخافين بيردون عليج وانا كنت اصيح وعقب هالبنت اختفت وعقب ويلست فالسياره بروحي وخايفه وضايعه ماعرف شو اسوي و اصيح ومحد يرد وانا في مكان غريب وعقب يت الشرطه و خذوني و حطولي شي في ايدي نفس حبل وخذوني و الي خذوني كان واحد و وحده وكان في شي غريب فالحلم اخر شي كنت كأني داخله مركز الشرطه وفي بنت كانت ترقص عند الباب وانا داخله المركز