السلام عليكم .. انا عمري ٢١ سنة .. كنت مخطوبة من ولد الجار .. كنا مخطوبين لمدة ٣ شهور و كنا نتكلم و بتاريخ ٤ من هذا الشهر فسخنا الحطبة و ما كان في نصيب .. و من بعدها تقربت من الله وايد و صرت محاظة على صلاتي و بديت بالحفاظ على الشفع و الوتر كل يوم و بديت اداوم على سورة البقرة و يس يوميا (اشياء ما كنت اسويها قبل) صرت اسويها من باب التقرب الى الله لان لا ملجأ الا اليه .. و هذا حلمي يا شيخ .. حلمت ان كنا في بيتهم (الجار) و كانت في حفلة بس ما اعرف حفلة شو .. كنت قاعدة في غرفة ويا اخوي و كنا قاعدين على الارض .. قلت له بدر تعرف احس كل اللي صار بيني و بين احمد (خطيبي السابق) كلها مشاكل صغيرة و كبروها قال لي تعرفين انا بعد احس جي .. و اختي دخلت الغرفة و قلتلها نفس الكلام و ردت بنفس الرد تقريبا .. بعدها نزلت ابحث عن اكبر خواتي و حصلتها .. قلتلها مريم تعرفين احس اللي صار بيني و بين احمد كلها مشاكل صغيرة و كبرت على الفاضي .. قالت انا بعد احس جي .. قلتلها مريم ابي ارد له .. و ب نفس الوقت ما اعرف كيف سمعت انه بيتزوج وحدة ثانية .. ف قلتلها انا برد له قالت ردي له .. و جفت اختي الثالثة قلتلها نورة انا برد له قالت ردي له .. و رحت ابحث عنه و شوي اركض ان قبل ما يتقدم رسمي للثانية و طلعت عند باب البيت برع اجوفه راح الصلاة خلاص .. و هني قمت النوم لصلاة الفجر