‎السلام عليكم انا بنت عمري 14 بستوي 15 علاقتي وي ابوي مو مرة زينة او مرة كويسة عادية ما احس ابوي ظهر وسند لي احسه اضعف شخص ما يمديني اتحزم فيه ولا استقوى فيه لانه هو اساسا ضعيف شخصية بس يحب يسوي فيها القوي ومادري شو اسفة على الي اقوله بس والله انه الكلام فيه غصة في قلبي الزبدة انه حلمت مرة انه في ًواحد كبر ابوي اضارب وياه مادري شو كان السبب بس بعدين ابوي ياني وشافني اضارب والريال عرف انه ابوي وبدو يضاربون ابوي طول الضرابة يرجع ورا وهو يتكلم بخوف واشوفه يرتجف الشعور الي فيني من صدمة واحباط وخجل من ابوي حرفيا خايف والله انه شوي ويمكن يصيح ولا شوي ويركض بس ماسك نفسه و الناس تشوف ابوي بشكل انه هذا مو ريال ولا عرف ياخذ حق بنته ومن يومها وانا متفشلة منه حتى عيشة انا مو عايشة نفس الناس انا حزينة اني اقول جي بس ابوي ( سبب في تعاستي ) حارمني من كل شي حتى الفرحة مستكثرها علي اسفة طولت بس ابي تفسير للحلم الله يخليك