حلمت اني كنت امشي مع امي واخوي وكنا رايحين بيت واحد صاحبي على اساس نجلس عنده لانه شخص عزيز علي مثل اخوي وبعدين ونحن رايحين عنده ضعنا شوي ، فسألت بنت حصلتها قدامي تبيع تبيع ع الارض قلت لها لوسمحتي شو اسم ها المناطق قالت اسامي المناطق وفي اسم من هالمناطق اسم منطقتهم ، قلت لها يعطيج العافيه وكملت طريقي ، لحقتني وقالت من تبا قلت لها ابا صاحبي فلان قالت اعرفه فلان قالت اي صار له فتره طويله مايكلمني ليش قطع علي ! قلت لها فلان صار له سنتين او سنه متزوج خلاص ، قالت ايوه قلت لها هو قالي في ناس عزيزين علي ماقدر اقولهم شي وانا معرس ف عشان جي ما اكلمهم وتمت تبكي البنت وامي واخوي يمشون قدامي ، وكان في بيوت وكل بيت قدامه لوحه اللي يكتبون فيها اسم المالك وكذا ، ولفت نظري امي تروح عند كل لوحه وتحط شي تروح عند كل لوحه وتحط شي الى ان وصلنا لبيت صاحبي ، وقتها امي كانت مستانسه و تمت تدق الباب بطريقه غريبه وانا استغربت لانها مب من عاداتها هذا التصرف ، مسكت ايدها و قلت لها امي شو فيج تكلمي ، فرت من ايدها فلوس وجلست تبكي ف الارض قلت لها ليش ياقلبي شو فيج تكلمي قالت عندي تنفس حاد ف القلب اول مره اسمع بهذا الشي لكن ف الحلم بين لي شي خطير وخفت وقمت من النوم ع اذان الفجر ف اتمنى تفسير هذا الحلم ، هل فيه تفسير ؟