حلمت اني تعبانه وعمتي ( ام زوجي) توديني المستشفى ويوم نوصل المستشفى يكون جنه مدخل الحرم وهي تقولي تقدمي عيالج عندي ونحن يالسين ندخل اشوف واحد يشبه ابوي قلبي يفز بس انا عارفه انه مب ابوي لان ابوي ميت عمتي تقولي شوفي هذا ابوج اقول لها لا هذا واحد ثاني بس يشبهه وانا اتقدم ياشر علي يقول لي تعالي وانا اروح عنده واشوف جدامه وايد مسابيح هو يوزعهم عالناس وانا يالسه عنده مبتسمه اشوف هو مستانس وايد ويشل كذا مسباح ويرصهم فايده عشان ينقص الخيط وينثرهم علي وهو فرحان ويرد يسوي نفس الحركه وانا كنت وايد فرحانه وسالته قلت له انت تعرف ابوي وين يسكت شوي ويطالعني ويقول لا ( وانا فخاطري اقول ليش جي سالت انا عارفه انه ميت )وعقب بغيت امشي يرد ياشر علي يقولي لحظه شوي اقول حقه خذيت مسباحي يقول اعرف بس بعد خذي واحد . انتهى