السلام عليكم يا شيخ انا حلمت اني انا وطليقي تصالحنا وجلسنا فتره ونحن مع بعض فجاءه ام طليقي ماتت وقام طليقي يبكي من كل قلبه يبكي وما وقف لين نام وكنت خايفه اجيه علشان ما ننفصل لانه امه ما كانت تبيني اليوم الثاني ماتت امي انا وجلست ابكي من كل قلبي ابكي بحرقه انقهرت قاعده اقول ويش اسوي الحين وابكي ورحت عند طليقي اقومه من نومه وابكي واشكيله انه امي ماتت وكنت اقول ان امي ماتت وهي زعلانه مني قالي تمزحين صح قال الي ماتت امي مب امش قلتله لا حتى امي ماتت وجلست ابكي واقوله زايد لا تخلني ( لاني كنت محتاجه حد يكون معي في ذا الموقف ) وهو معي ما خلاني ورحت برا اشوف اخواني وين وجالسه مع اخوي الصغير لانه هو اكثر واحد محتاج امي ولا عمتي حرمت ابوي تجي وتهاوشني تقول شلي ولدش انكب عليه الماي وشليت ولدي وغيرته يوم وراح من عندي يلعب وبعدين لقيت اخوي مبارك معطي ولدي مسعود ولد عمي ودشن اخوي وحريمه وحريم اخواني وخواتي كلهم عند باب الشارع وقلت لاخوي يوم يخلصون من ولدي جيبوه ورحت ابكي لين بيت حرمت ابوي داخل البيت نفس والقى بيتهم مسكر وانه خدامة اختي بتسافر وجلست ابكي اكثر ورجعت البيت عند طليقي وجلست ابكي عنده وسألني عن ولدي قلتله مع مسعود ولد عمي واخواني برا ويسحبونه وبعدين كأن امي عطت اخواني اصغار وصيه تقول اني ازين لاخواني الصغار الغرفه الي يبونها وراسمه الغرفه في الورقه وجلسة ابكي وقلت لاخواني بزينها لكم وبعدين قالي طليقي يالله بنسافر وخبرت اختي الي اكبر مني قلتلها اني بسافر وهي تجي تجلس عند اخواني الصغار قالتلي وين بتروحين قلتلها بروح السعوديه ابي اروح اعتمر قالتلي اختي لا روحي استانسي سافري الخارج علشان تطلعين من الحزن الي فيه قلتلها خلاص اول شي بسافر علشان اعتمر وبعدين بسافر علشان استانس وقالتلي سافري الساعه 12 فليل قلتلها اكيد بنسافر في ذا الوقت علشان اخواني الكبار ما يخربون علينا وقمت من الحلم ................، انا مطلقه ولدي طفل