السلام عليكم انا متزوجه وعندي طفله عمري ٣٣ عندي حلمين الحلم الاول انني وزوجي نمشي في مكان مفتوح فيه مطاعم واسواق وصادفت اخته وكان معها اطفالها سلمت على اخته وجلست انا وزوجي معها على طاوله وكانت تتكلم عادي معاي وبعدين رفعت جوالها وصارت تتكلم فيه وزوجي يأشر لي بيده وبحركات بوجهه يخبرني اني مااتكلم معها لانها تتكلم بالجوال مع اهلها وكل شي بتنقله لهم كان على الطاوله صحون صغيره فيها فول غير مهروس وصحن سلطه كنت اقرب صحن السلطه من عندي واقول لها اكلي معاي السلطه هذي حلوه وكانت هي تقرب الصحن منها بدون ماتشوفني او تتكلم معاي وانقلبت شخصيتها صارت ماترد علي ولاتشوفني انا ماكليت وبعدين لبست هي نقاب قبل مايجي زوجها بشكل سريع وجا زوجها وجلس بجنبها في كرسي صغير عليهم وقدام زوجها رجعت تطالعني وتبتسم عينها وتقول ايه تنقبت الحين انتهى الحلم هذا الحلم الثاني حلمت اني في منزلي مستقبله خوالي كلهم وعيالهم وجدتي وامي (فقط قرابة امي) وام زوجي واخته الي في الحلم الاول ولكن اخته ماكانت تتكلم مع احد وكانت جالسه بروحها في صاله ثانيه كان بالحلم شعري على جنب وكان طويل وفيه لمعه وكنت لابسه جلابيه مذهبه والبيت كان لونه كله ابيض حتى السجاد ولد خالي الصغير شرب عصير ملون احمر وطاح شيئ بسيط عالسجاد الابيض وعلى طول اخبرت العامله تنظفه وكانت ام زوجي لاتتصرف على طبيعتها كأنها منحرجه وانا كنت اراقب طريقة كلامها وماذا تقول انتهى