عشان... الرد من العميل القصة لازم تعرفيها من الأول عشان تحكمي عليها ومحتاجه رأيك ضروري أنا زميلي في العمل وضح منه أعجاب بيا لكن مصارحنيش أنا كنت نفسي أعرف إحساسي في محله ولا لأ (أنا حاليا شايفه الموقف كله كان في تسرع مني) عملت صفحة عالفيس لكن الصفحة مش بأسمي وتكلمت معا هو عرف أنا مين بشكل غير مباشر من خلال الكلام، لكن أنا شاعرة أني ألحيت أعرف هو بيحبني ولا لأ المهم هو حب يتأكد مين الشخصية الل بتكلمه لجأ لخدعة وهنا (أبتدا يكدب) في مكان عملنا لبس دبلة في أيده اليمين عشان لو كنت أنا الل بكلمه هروح أسأله هل أنت خطبت. وفعلا الخدعة نجحت شفته لابس الدبله فسألته أنت خطبت قال أيوه وسأل أنت فلانه قلت أيوه قفلت الصفحه وبطلت كلام معا فورا. بعد مرور وقت كان كاتب رغبة خروج من المكان، بدل ما يمشي غير الرغبة وأستمر في المكان وأبتدا يكتب حاجات تدل علي ندمه علي موقفه مني بس مكلمنيش صراحة أنا كنت منتظرة أنه يجي يكلمني صراحة ويعتذر معملش كده زعلت جدا وفي اللحظة الل هو أبتدا يندم أنا كنت في قمة الزعل والغضب من كل الل حصل وفي اللحظة دي مسحته من علي صفحتي.في تفكيري أنا عملت كدا عشان يشعر بغلطه و يرجع يعتذر صراحة. هنا الأحداث أخدت منحني تاني هو أعتبر أن أنا لما مسحته أنهيت التعامل. بعت ركوست علي صفحتي الجديدة بس مش بأسمه لما أبتدي يتكلم عرفته قلتله طيب أتفضل قول الل عايزة قال أنا قلت ممكن نتعرف و موضحش صراحة هو مين (هنا أنا أنفجرت من كل الل فات من الخدعة الل عملها بلبس الدبلة من أنه تصرفاته وصلتني أنه بيحبني ولما كلمته قال لأ دي علاقة عمل وأنا خطبت) (قلتله أنت بتتلاعب ببنات الناس أتقي الله ولازم تعرف أنك ضئيل قدام نفسك قال أنا كبير قدام نفسي والحمدلله وأنا كنت هتكلم بأحترام لأن عندي أخوات بنات) وأنتهي الموقف بأني مسحته من صفحتي هنا أخد موقف عدائي حب يثبت أنه مش فارق معا ووجعته الأهانةالنهاردة مسحته من صفحتي بكره كتب علي صفحته أنه خطب بعدها بكام شهر كتب أتجوز بعدها بسنة كتب خلف ولد بعدها بسنة كمان كتب خلف ولد تاني. سألت ناس يعرفوا قالوا كل دا مش حقيقي. الموقف دا علاجه أيه؟ وهل الكدب الل عنده مرضي بقاله أربع سنين بيكدب وبيعمل update للكدبة. بطلب تقري القصة بإمعان هل في فرصة لرجوعنا وأزاي