حلمت انه جنب بيتنا مهرجان وبيتنا كان القديم الاولي ، خبرتني اختي انها تريد تروح للمهرجان وقلت لها سيري انا ما بروح مادام فلان هناك ، المهم راحت وشافته ورجعت للبيت وقالت سوى نفسه ما يشوفني وراح ، دخلت لغرفة الحريم في بيتنا ولقيت مسؤولة المهرجان جالسة حبيت لون جوتيها الاحمر وعطتني اياه اشوفه يبين انه ملبوس بس حبيت لونه ، ولقيت جنبها تليفون احمر على بالي حقها ، وانا طالعة من غرفة الحريم لقيت الشخص اللي سوى نفسه مايشوف اختي بالمهرجان ، طالعني ونادى وحدة نادى باسمها امونة يلا قومي صديت صوبها لابسة عباية وشعرها اسود طويل ولما شفت وجهها استغربت فيها شبه مني بس هي حنطية وانا بيضا وهي اضعف شوي فقالت لي اريد ورقة المهرجان كنت لابسة شيلة بيج وجلابية بني على اخضر شوي وكنت اضعف ونزلت النظارة الشمسية شوي قلت لها تستهبلين انا ما رحت المهرجان ، طالعتني بعيونها منحرجة ورحت اجيب لها الورقة من المسؤولة وعطيتها اياها وطلعت مع الشخص المعني اللي كان بالمهرجان وكان اضعف بالواقع كانه اصغر من سنه ولابس كندورة وفوق الكندورة بلوزة بلون البيج والبني ، شفتهم يطلعون للشارع لقيته يلعب في دواير مرسومة على الارض يعني ينط من دويرة لدويرة ، الحرمة اللي اسمها امونة اللي كانت وياه نطت بدويرة وحدة وطلعت ماتبي تلعب وقفت طالعه بس ، ورجعت للبيت ولقيت التليفون الاحمر ماعرفت حق منو حقه ولا حق الحرمة جاني الفضول اشوفه لقيت مسجات كلها من رجال فقاعدة اقول شكله ما يعرف عنها اذا كان تلفونها