انا بنت عزباء و اشتغل .. حلمت اني كنت مع الموظفين اللي ف قسمي الحالي.. احب شخص برع الدوام كان موجود معانا .. المكان قاعة و عدالها محل ديور .. ف الواقع اللي احبه زوجتة ربت ويابت ولد و كان يبا يخذ لها هديه .. فالحلم تبين انه خذ لها شنطه من ديور ف البنت اللي معايه فالدوام تكلمت و قالت له شفتك تاخذ شنطه من كمن يوم هديه .. ف هو غير الكلام و عقب قال هي خذت هديه.. قالي براويج شكلها عقب كام يطالعني و ما يباني ازعل . كان يوم الجمعه نص يوم عمل ف روحنا البيت عالساعه ١٢ مستعجلين .. ركبت ف السياره جدام معايه سكرتيرة قسمي القديم فلبينيه جالسه جنبي و سكرتيرة القسم الثاني مواطنه من حتى كانت جالسه ورا و السايق يسوق. . كنت لابسه ابيض و في عنكبوت بو ارجل طويله لونه اصفر يمشي علي صوب اليمن كذا مره حاول انفخ عليه و اطيره ما استوى .. فتحت الباب عشان اطيره ما استوى لين قتلته..