حلمت كنت في بيت اهل زوجي القديم وانا ساكنة في البيت على أساس انه بيتي ملكي أنا واولادي مش كل البيت بس قسمي القديم لي 6 سنين طالعة منه ولله الحمد ..كنت اتكلم مع أكبر أولادي ونضحك وشفنا نار شبت فالبيت حاولت انا وولدي والخدامة نطفي فالنار والنار كانت لهب بس لهب ابداً مافي دخان طفينا النار بس ماعرف كيف ماذكر او هي طفت بروحها .. ما انحرق الا جدار واحد والجدار انحرق من الطرفين من داخل وبرا وهذا الجدار لما كنت ساكنة عندهم كان فاصل بين قسمي وقسم اهل زوجي ،، وانحرقت شجره قديمة (غاف)في بيت اهل زوجي كانت ورا الغرف الشجره يمكن عمرها فوق 40 سنة وكانوا يذبحون تحتها قعدنا نمشي ورا الزراعة انا ولدي ونشوف الأضرار وكيف نقدر نصلح البيت وبنتي تصور البيت ونزلته فيديو على برامج الانترنت يمكن الناس تشوف وتساعدنا كان باب البيت الرئيسي فالزراعه جهة السكة ولدي الكبير كان عازم شاعر معروف وفي نفس الوقت مدير فرقة شعبية لليولة عازمه فالبيت ويقوله قولنا قصيدة وانا كنت اسكب الشاي الأحمر فالأكواب وولدي الصغير شايل في ايده طفل رضيع ويركض فيه وانا اصرخ عليه اقوله اخوك لا يطيح رجعه هو يركض فيه فرحان وانا خايفة عليه يطيح من ايده وانا اصلا ماعندي طفل رضيع عندي ولدين وبنت اصغر ولد عمره 10 سنين .