السلام عليكم حلمت زميل بالعمل عطاني خاتم ألماس كبير شوي قالي فلانة خذي هذا الخاتم بس خليه على جنب وكان زميلي لابس كندورة باللون البني بعدين ركبت السيارة انا واختي وكان الوقت في الليل رحنا نشتري أكل ، تفاجات انه العامل عطاني سندويشة وحدة واقوله لا طلبت اثنين مع كرك اثنين حقي وحق أختي ، رد عليه انه اختي طلبت لحالها وكانت تاكل ، زعلت منها لانها ما اهتمت ونحن بالسيارة وأختي تقولي بتكلم زميلي بالعمل اللي عطاني الخاتم وانا اقولها خلاص ماله داعي ، الا تكلمه وارسلت له تسجيل صوتي بخصوص العمل ، سكت منها ، وفجاة دخلنا مكان كأنه بيت طين وكان في اهلنا والمناسبة ملكة إختي وامي عطت اختي قطعة خضرا ، ضربتني غيرة اطالع امي فلان اللي عطاني الخاتم ؟، هزت امي براسها واحد ثاني ،خذيت الملابس وكان لونهن احمر واصفر وكان في ملابس داخلية شليتهم ، شفت بنتين من بنات عمتي يتشمتون فيني وخصوصا الكبيرة اكبر مني كانت تقول اختج خلاص بتعرس بمعنى بعدج ما عرستي وكنت مضايقة ليش يغايضوني ، دخلت غرفة وسكرت الباب ، تفاجات ابن بنت عمتي اللي كانت تتشمت فيني ولدها داخل الحمام يتسبح لابس فوطة ويطالعني ودقت امه الباب افتحي الباب ليش تدخلين غرفته وطلعت لقيت امي قدامي وبنت عمتي