حلمت انا كنا في بيتنا القديم وكان ابوي الله يرحمه مدفون بالغرفه إلي كنا نجتمع فيها كلنا للأكل ، اخوي عبدالله فتح عن قبر ابوي ماعرف شو سبب إلي خلاه يفتح عن القبر يوم عرف سعيد اخوي العود بأنه عبدالله فتح قبر ابوي عصب وضارب مع اخوي عبدالله وكان يسأل عبدالله هل رجعت ابوي بوضعيته نفس ما وسدته على إيده اليمين ( للعلم اخوي سعيد هو إلي نزل مع ابوي قبره وحطه على يمينه بالحقيقة) رد عبدالله ماعرف ما اذكر بس رجعه بالقبر ، راح سعيد من شدة العصبيه يكسر الباب إلي هو الغرفه إلي فيها قبر ابوي المهم كسر الباب وقعدنا كلنا اخواني الاولاد والبنات ورى الباب ونشوف سعيد اخوي وهو يحفر عن قبر ابوي وطلع جثت ابوي وكان ملفوف بلف ابيض رفعه وفتح عن وجهه ابوي وكان وجه نور نور مش طبيعي وشكله كان شاب وعيونه خضراء نفس صورة ابوي يوم كان شاب كان جميل جميل حتى من شدة النور والجمال سعيد قعد على ركبه يطالع ابوي ماتكلم ولا نطق ولا كلمه . وكنا كنا نطالع من بعيد خواني البنات والاولاد وفحأه شفت انا ابوي حرك ويله اليمين صرخت على سعيد وقلت له ابوي حي حرك ريله راح سعيد وكشف عن ريله شافها تتحرك وقام ابوي بنفسه وفتح الكفن عن نفسه ووقف على ريله بس كان مستر بعد ما فتح الكفن الابيض كنا كلنا بقمت الفرح انه ابوي قام وحي . كلمني ابوي وقال لي انتي للحين ماروحتي (للعلم ابوي بالحقيقه يوم كانت تيي الساعه ١٠ بليل كان يقول لنا كل وحده على بيتها وكنت اخاف منه واحيانا كنت ابكي وكنت احيانا اروح بيت جدتي علشان مايشوفني وعصب ) المهم قال لي بالحلم انتي ما روحتي انا خفت منه وقلت له بروح بس كنت وااااااااايد فرحانه اني شفته وكنت فرحانه بمنظر ابوي وانه عايش ورحت اركض علشان ابوي مايعصب وخذيت دبة ماي وطلعت فوق سطوح بيتنا وقلت مابروح بظل فوق اشوف ابوي من بعيد بس المهم مايختفي عن عيني . شافني فوق السطح اخوي محمد وطلع لي فوق السطح وقال بخبر ابوي ورحت اركض وطرت بسماء مثل الطير لين نزلت على سطوح بيت جارنا وظليت اشوف ابوي من بعيد وهو يركض مع لعيال بحوشنا وكنت فرحانه واااااااايد بشوفت ابوي . قمت من النوم اردد الحلم والاحداث إلي شفتها علشان ما انسى الحلم وكنت مرتاااااااخه واااايد بشوفت ابوي وتميت ادعي انه ابوي يزورني دائما بالحلم . للعلم ابوي كان بحلم شكله شاب جميل جمال ماشاء الله وكان وجه نوووووور غريب . ربي يرحم ابوي برحمته الواااااسعه ويجعل قبره نور على نور يارب 🤲 ‏للعلم أبي توفي في الثالثة والعشرين من رمضان بعد عناء المرض في العناية المركزة لمدة أربعة أشهر