السلام عليكم ابي تفسير حلمي انا حلمت صديقتي اكثر عن ٣ مرات انها متضايقه وهذا حلمي اللي اليوم حلمته فابا اعرف التفسير ::: عمري 19 سنه وغير متزوجه وصديقتي منال عمرها 20 سنه وغير متزوجه وعندها اختين وحده عمرها 21 ووحده عمرها 13 ..(حلمت اني رحت بيت صديقتي منال زياره بدون مناسبه بس كان في عدد من الناس و اللي استقبلتني مرت عمها تصير بنت خالة امي اسمها نجلاء رحبت فينا وسلمنا انا واهلي بس ما اذكر منو اللي كان رايح معي وانا رحت عند صديقتي وهي كانت عند سفرة الطعام مع امها تعطيها صحون وصخه فوق بعض عشان توديهم المطبخ وايضا ام صديقتي لحفت شعر بنتها اللي هي صديقتي بسكارف وردي وحدوده بنفسجيه وصديقتي كانت لابسه فستان فوق الركبه ما اذكر لونه وبعد ماوصلت الصحون المطبخ راحت غرفتها(( بس في الحقيقه غرفتها غير عن الحلم )) راحت غرفتها في الحلم وانا دخلت بعدها الغرفه ودخلت وراي بنت عمي ((ما تعرف صديقتي وعلاقتي مهزوزه مع بنتي عمي اسمها سلامه )) وطردتها صديقتي منال وانا انتبهت انه على السرير شنطه بو تواير ( شنطه مدرسيه مال اطفال )كنت اضن انها لاختها الصغيره بو 13 سنه المهم على الطرف اليسار و هي كانت تمشي و انسدحت ع الطرق اليمين وانا اخذت لفه بعيوني في الغرفه اشوفها انتبهت انه كان فيها شخابيط ع الجدار و اجزاء كان خاف لونها واجزاء كانت طبيعيه لونها يعني موب خاف يعني جيه كانه في بقع ع الجدار ولون الشخابيط رصاصي وثم انا قمت من النوم .