السلام عليكم اخوي انا حلمت بـ ابوي ( ابوي متوفي من شهرين ) حلمت اني انا و امي و عمتي و اختي بالاب في سياره على باب مزرعتنا قبل لا ندخل جانا ابوي و سلم ع امي و عمتي و عليه و هو مشتاق لنا و نحن فرحانين جدا بشوفته بس اختي تفاجئة كيف هو هني و تبسلم و تقول لا اله الا الله و من الصدمه تلثمت بـشيلتها ، لما سلم عليه 3 وحده باقي هي بس مدت يدها و تقوله من هني سلم ( يعنى مماسحه بس باليد ) ماسح ايدها و دخلنا المزرعه و هي تمت في السياره قبل لا ندخل المجلس انا و ابوي و امي و عمتي ، ابوي رد لسياره و راح و هو مستعجل و اختي بسرعه نزلت من السياره لما ابوي ركب فيها امي زعلت على اختي و تقولها ليش نزلتي هو يمكن يبغي يكلمج اختي ما ردت على امي و دخلنا المجلس عمي كان قدامنا و سأل ابوكم وين ليه ما جاء معاكم قلنا ما ندري وين راح امي كانت جالسه عند دريشه و تفكر ابوي وين راح بعدين قالت هو يعرف اني تعبانه يمكن 🤔 و سكتت جاء ابوي و فتح الدريشه الى وراء امي من غير ما تشوف و كواها فوق اعلا راسها قال انا اعرف فاطمه " امي " لما نفسيتها تتعب تمرض و انا ما ابغاها تتعب ( الكوي طب شعبي عندنا للي يعاني من الم البطن ) هاذا الحلم للعلم بعد وفاة ابوي امي تعبت نفسيا و جسديا و في الحلم كلنا نعرف انه هو متوفي اساسا