السلام عليكم حلمت اني كنت بمول وكانت الوقت نفس العصر يعني نهار وشتريت عطر واستانهم لين ما يجبونه لي ، لقيت عطر لصديقة عمل فتحت علبتها ورميتها العلبة بالزبالة وتعطرت من العطر وكان ريحته حلوة وباردة على شعري ، ولما كنت اطلع من المول قلت برد العطر لها وتذكرت العلبة ورحت طلعت العلبة من الزبالة وحطيت العطر بالعلبة مع الكيس وطلعت للحديقة عشان اعطيها عطرها لقيتها اضعف من الواقع واجمل بس الاكتاف عارية اقصد اللبس ، لقيت ابوي وكنا مع حد مانتبهت لهم ، قالي احلقي شعرج والبسي وكانت الملابس قميص اصفر وجينز ، فطالعته وانا اقول في خاطري كيف البس هذا وكنت ماسكة القميص الاصفر ، ما عجبني تركته ورحت ، وتغير الوقت لليل ، وانا واختي لابسات عبي وشيل ، نقدم على وظيفة ومبنى هالوظيفة بالحديقة ، فجأة كنت اسمع صوت مسؤولي السابق بدون ما اشوفه ، صوت هادي وكنت الحق الصوت عشان اشوفه وينه ، كانت مجموعة من الغرف والمكاتب والغرف مصبوغة بالابيض ، سمعت صوت مسؤولي لين ما وصلت للغرفة ، دخلت لقيت شخص جالس بنطلون وقميص كان معطيني ظهره ، رحت اشوف الشكل لقيت حرمة ، لابسة غترة وعقال على البنطلون والقميص قالت تعالي فلانة ، لقيتها طالعتني ورسمت على الجدار ، غطيت فمي اقول في خاطري ماريد ترسمني ولقيت نفسي لابسة نظارة طبية ، وتكلمت قال اختج فلانة غبية ، قلت ليش ؟ قالت اطلقت ريح ، انا ضحكت وهي ضحكت ومسكت نفسها ، المهم طلعت من عندها كلمت اختي صح الكلام اللي قالته ، ردت عليه اختي هي خبرتج ، ورحت انا واختي نرتب طاولة ضيافة معظمها أكل ، قالت اختي ما شفتي في القسم اللي فوق كيف ضيافته ، سكت وطلعنا من المبنى ركبنا اللفت وفجاة كنا بمكان الكراج السيارة صديت يساري لقيت مسؤولي السابق اللي كنت اسمع صوته بالحلم متمدد على دكة مرتفعة لابس كاب اسود وكندورة بيضا وملتحي شكله المعتاد بالشغل ويبتسم لي ، طالعت المبنى من بره ، قلت في خاطري تركت كل هذا المكان وجيت هنا كنت مستغربة منه