مساء الخير اختي كيف الحال؟ شكرا على تفسير الحلم الاول، ماعليج امر ممكن تفسير هالحلم؟ وبحولج الفلوس في اقرب فرصه حلمت كأني في ابوظبي (ساكنه في ابوظبي مع زوجي) وبروح لدبي (بيت اهلي) فتره طويله وكان الليل، وشفت كأننا نسكر بيتنا ونسكر كل شي فيه لان بنروح فتره طويله او محلي (امتلك محل في ابوظبي) في الحلم كان عباره عن بيت شعبي، وكان ابويه يقفل الباب الخارجي للبيت بنفسه. وكان الشيخ (اخو حاكم ام القيوين) يتمشى حوالين البيت وانا مستحيه ان احنا ماضيفناه بس ابويه كان مستعجل ان نروح وكنا مجهزين فواكه مقطعه للبيت (بطيخ احمر منتثور عليه حبات رمان ومرتب بطريقه حلوه في صحن )، ولان ما اكلناه شليناه معانا. واحنا طالعين قلت لابويه نعطيه حد ياكله وطلعنا في الشارع والشيخ يمشي عدالنا ومشى عدالي ووقف على طول جنبي، وابويه اعطاه صحن الفواكه المقطعه ورحنا