امس الصبح حلمت حلمين حالتي: عزباء، عمري 30 سنه، كنت متطهره وقت الحلم الاول لا اذكر بس يمكن كان الفجر / الحلم الثاني كان على 9 الصبح تقريبا الوالد: قبل سنتين كانت في مشاكل كثيره بين الوالده وابوي وانا اللي عشت مع ابوي فتره بروحنا وعياله وامي هجرونا لمده سنه ومن بعدها رجعوا .. من رجعوا البيت فتره شهر او شهرين مرض ابوي بالسرطان وكمل سنه فقط من ياه المرض. كان محافظ على صلاته بشكل كبير ومتطوع في المساجد. خايف ربه ومسالم ولايحب يضر احد. الاول: كنت اهرب من مكان لمكان ودخلت على بيت جيرانا في حينا القديم (فريجنا القديم) وكانت امي لابسه فستان عرس ابيض وبينا وحوالينا الناس ينتظرون ابوي واتصل واعتذر منهم وقال لهم انه هو في امريكا ومايقدر يجي. من بعدها ياني اتصال من الوالد يقولي فيه انا علي دين 36 الف وقلت له فالحلم خلاص انا راح ادفع نص الدين وقمت من الحلم (( في الحقيقه هذا المبلغ هو المبلغ المتوفر في حسابه وليس عليه اي ديون)) ورجعت انام على الساعه تسع الصبح وكنت ادعي اشوف ابوي فالحلم (شبه نايمه) هذا اول حلم احلمه من بعد وفاته .. توفي الوالد قبل 8 ايام.. كنا في بيتنا القديم وطالعه من الحمام وكان قاعد عالارض فالصاله ومبتسم وجنبه فنجان قهوه فاضي كان شاربه. طلعت من الحمام وانصدمت كنت اكلم اختي اللي كانت واقفه ترتب الملابس فالحجره اقولها هذا ابوي صدق ولا حلم .. ضحك ابوي وقالي ( انا صدق ) رحت له وحضنته وقعدت ابكي في حضنه اقوله اشتقت لك وايد .. وقعد يقول الوالد ( انا شردت من عندهم من امريكا وييت عندكم خبلت فيهم وييتكم ) عقب قال (انا تعبت وايد يانوف .. وايد) هني مافهمت من الوالد اذا كان يقصد مرضه لان قبل وفاته تعب الوالد وايد وكان فيه سرطان في الكبد والبنكرياس. وبعدها فجاه كان حامل طفل صغير ولد في حضنه ماكنت اعرف هذا الطفل منو. من بعدها قال ( يلا انا بروح ارتاح شوي تعبان). وقمت من النوم بعدها .. ماكنت اعرف اذا هاي روح الوالد كزياره او حلم اليوم ايضا حلمت حلم ثاني بنفس الوقت الساعه 9 وشوي صباحا كان رجل غريب ماخذني المطار يوصلني عساس اني راح اساس وقلت له ابغي امر على الوالد اسلم عليه. مزيت بيتنا القديم وشفت ناس كثيره برع البيت قاعدين وبعدها دخلت المجلس وشفت ابوي ضعيف جدا وتعبان .. سلمت عليه وقالي انا وايد تعبان اتريا سيارة المطار اتي تاخذني طيارتي بعد لربع ساعات وتاخر علي الدريول. قلت له تعال معاي قالي لا انتي مطار دبي. من بعدها وقف يسلم علي وكان نفس حاله اخر ايام مرضه وضعفه ونفس البدله كان لابسها. قعدت احضنه. واصيح واقوله انا احبك وايد كنت اصيح فالحلم كثير.