زبون جديد
24/08/2022 15:58
حلمت اني كنت ف بيت اهل طليقي يعني كنا متجمعين و قالولي فجاه انه طليقج ردج ع ذمته ، يلست اسال كيف و على اي اساس فهموني الموضوع انه هو يقدر يردج ع ذمته "للعلم اني مطلقة تقريبا الحين من ست شهور" المهم قالولي خلاص بيردج وجي "امه اللي كانت تكلمني" و قالت يلا جهزي اغراضج ، قمت و جهزت الاغراض و يلست انقلها
ييت صوب الملحق "اللي هو بيكون بيتي" في بيت اهله و كنت شاله اربع اشيا في ايدي و يايه بدخل الملحق ، الملحق كله زجاج و كان طليقي واقف برع عند الباب مع ريال يتكلم معاه بس ماعرف منو هالريال ، المهم انا ف ايدي الاغراض و يايه بدخل الملحق ف دزيت الباب بايدي عشان افتحه لما دخلت شفت اربع حريم داخل لابسات عبي
كل ثنتين متجابلات و وحده تعدل شيلة الثانيه ف انا استغربت هاييل منو وكيف داخلين ملحقي و شو يسوون! سالتهم و وحده منهم طويله هي اللي كانت ترد علي سالتهم انتو منو و كيف دخلتو قالت عادي دخلنا لانه نحن مب منكم ، انا استغربت جوابها ف رديت اسالها كيف يعني مب منا؟ قالت لي هيه نحن مب منكم ، رديت اسالها اساله انه كيف داخلين ملحقي و شو تسوون ف عصبت علي و يو بيلحقوني و قامو يركضون وراي و انا اركض للباب ابا اطلع من الملحق و خلص الحلم "ماقدرو يمسكوني" نشيت قبل ما يزخوني ، قبل ما اركض استوعبت لما قالت لي نحن مب منكم يعني قصدها مب انسان