اسمي ايمان، عزباء عمري 23، حلمت هذا الحلم في تاريخ 3 اكتوبر 2022. حلمت ان كنا طالعين انا واهلي من البيت ولما طلعنا وركبنا السيارة شفنا حوالين البيت اشيا مرميه في الارض قلنا اوه هذا دود ليش كذا بسم الله بس فجأة طلعوا ثعابين مش دود، كانوا في حوش البيت ومن برع فالشارع حوالين البيت كلللله ثعابين في الارض الوان واشكال البعض منها اسود و بيضاء غالباً، كلهم مرميين في الارض وبعدها مادري شو صار قالوا في احد سبب هذي الثعابين وبنروح نحاربهم ف رحنا انا وعائلتي كانوا معاي امي وخواتي الثنتين فقط وكأن الشرطه معانا تساعدنا او فريق مختصين نسيت شي كذا يعني، وصلنا ليين بيت هذيل الناس الي على اساس انهم السبب وكان الوضع يخوف ونحن كنا نتخبى في بيتهم وندور الناس الي السبب في هذي الثعابين، وبعدها طلع واحد من الرجال في البيت هذا وكان يبغى يهاجمنا بس على طول ضربناه بسلاح حاد ومات وبعدين شفت واحد اتوقع رجال مادري لانه كان طويييل وضخم بس شعره طويل، وشكله غريب شوي، كان نازل من الدرج ورايح غرفة فيها اختي الي اصغر مني واخوي الصغير والخادمه، يعني رايح يهاجم لان خلاص عرفوا ان نحن في بيتهم (العاملة واخواني الصغار ما جو معانا بس فجأه في الحلم على اساس انهم في غرفه من الغرف في بيت الناس هذيل) بس انا على طول رحت له وفقعت عينه بشي حاد طويل ومات، وبعدها انا قتلت اغلب الي هناك. لكن جا واحد منهم قعد يهدد ويهدد وبعدين جيت ارميه بالعصايه الحاده لكنه ما مات وكان يضحك، رحت مره ثانيه احاول اقتله ولكن ماكان يموت ويقول ماتقدرين، بعدين راح جاب ثعبان يمسكه، يستعرض يعني، وانا احاول اموته وهو مايموت ابدا، وبعدها بدا يتضارب معاي، دخلنا انا وياه في ضرابه نحاول مين الي بينجي بس انا لما اضربه هو مايتأثر بس انا كنت اتعور لانه حط لي دبوس في ايدي ويحركه كتعذيب وخلص الحلم وانا احاول اقتله لكنه مايموت وفي نهاية الحلم انا لم امت ايضا، قمت من النوم. بس كانت اشكال الي في هذا البيت غريبه، وكنا خايفين بس في نفس الوقت كنت شجاعه بس هم اشكالهم فعلاً تخوف.