السلام عليكم اليوم حلمت حلم و كان الضحى حلمت انه كنا ف بيتنا و نحن عايشين ف شقه و فجأه سقف الممر طاح منه شوي و كان مشتعل ف عرفنا انه العماره قاعده تحترق بعدين في حد من برع كان يصارخ عشان اللي فالشقق يطلعون ف انا يوم عرفت قمت و حطيت اللابتوب و كذا غرض داخل كبتي و يوم جيت اطلع رحت انادي امي و ابوي لقيت ابوي قاعد يحط ملفات و اوراق مهمه والجوازات داخل كيس الزباله و انت بكرامه وامي كانت تساعده عشان يريد يوديهم السطح يخبيهم بعدين جيت اطلع من البيت و كان الممر مولع ف انا ركضت و فجاء حسيت من الدخان انه ظلام وما اشوف شي و كنت اصارخ انادي اهلي يطلعون يوم طلعت تذكرت انه في قطاو فالبيت رجعت من عند الباب اخذهم و كانوا اربعه (فالحقيقه عندي قطه وحده بس) المهم طلعنا من البيت انا وامي و ابوي و اختي ابوي طلع للسطح يحط الاوراق و انا وامي واختي نزلنا تحت بعدها ب شوي ابوي نزل بس ما كنت شايفه نار الا اول مره يوم طاح جزء من السقف و الباقي كنت اشوف دخان بس ومحد فينا تضرر