السلام عليكم، انا بنت و عمري 13 سنة، المشكلة الي قاعدة بواجها حاليا و قاعدة بتكثر هو انو اختي الي عمرها 10 سنوات تتجاهل كثيييير و لما حدا يحكي معها بتتجاهل و انا اكثر وحدة، لما اناديها لما احكيلها اعملي اشي ما بترد و غير هيك انو صارت ما تحترمني ابداا و تهيني قدام اي حدا و انا هاد الاشي سببلي غضب كبيير، لدرجة انو انا لما اصرخ و هي ما ترد أعلي صوتي و أعلي زيادة، و هاد الإشي أثر علي نفسيا دخلني بكتئاب و صرت حساسه اكثر مما اني حساسه، و غير هيك انو بس احكي لماما ماما بتحكي معها قدامي و بس تروح بترجع اختي تعمل نفس هاي الاشياء و هاد الشي يعني اولا بحسو ظلم و ثانيا بقهر كثير بقعد احيانا ابكي ساعات و انا ما بدي ابكي لاني عارفة انو البكي بأثر على صحتي و بنفس الوقت الكتمان مضر و مافي حدا بفهمني حتى اروح اشتكي، لما احكي لماما او لبابا بفهموا اشي و انا عم بحاول افهمهم اشي ثاني، ف مشان هيك انا بدي اتغير و بدي اتخلص من الكتمان و الغضب و كل اشي بس كل ما ابدأ بالتغيير و اتقدم بترجع اختي بتعمل نفس الشياء وبرجع الغضب و برجع كل اشي و بضطر ابدأ من الصفر، يعني انا قاعدة و عادي و هادية بتيجي بتضربني بدون سبب و لما انا ادفشها و ابعدها عني كل العيلة بتتطلع علي كأنو انا الي بلشت و انا راس المشكلة و انا الي بديت، و بس اكون فرحانة و قاعدة و مروقة بتيجي بتستفزني و بتنكد علي عيشتي كلها، انا بتفهم انها عم تدخل على مرحلة المراهقة او انها عم تكبر بس مو لهاي الدرجة، اقل ما فيها الاحترام يعني لما حددا يحكي معك لازم تردي، هي مو بس ما بترد علي على كثير ناس بس الدفش و الضرب بس معي و ما بعرف ليش هيك اكثر من مرة بكون قاعدة بتيجي بتضربني بدون اي اي سبب !!، و انا مش عارفة يعني هل المشكلة في انا و لا فيها لانو في كثير ناس بحكولي انو انتي عصبية و ما بعرف شو ف بدي اعرف لانو مش قادره اتحمل اكثر من هيك لازم احل اي المشكلة والا يمكن تتدمر نفسيتي، الي عم بزيدني احباط انو لا ماما ولا بابا بسمعوني و بصدقوني، بحسهم لما يحكوا معي يعني بحكولي انو راعيها و ما بعرف شو و هي قدامهم مسكينة بس مع حدا ثاني بصير العكس، لو سمحتوا بدي حل لهاي المشكلة.