السلام عليكم بغيت افسر حلم صارله قريب الثلاث شهور. حلمت اني كنت فالبيت واتصل فيني واحد صديق اعرفه شخصيا وقالي ان رجع من السفر ويايبلي هديه او صوغه وحاب يشوفني عشان يعطيني الهديه وقلتله فالحلم تعال عند بيتي وانا رح اطلعلك برع واخذ الهديه وهاليوم كانوا في ناس مجتمعين في بيتنا كانه عزيمه ويوم وصل الولد كلمني وطلعت ووقتها انا ماكنت خايفه ابدا من فكرت ان موجود جدام البيت وان ممكن حد يشوفني. يوم طلعت عطاني الهديه وفتحتها كانت عباره عن جوتي اكرمك الله وقالي فالحلم البسيه بشوف لو قياسج فالبدايه قلتله بجرب فالبيت وشفته يصر علي فوافقت وخذت فرده وحده ولبستها واول مالبستها كانت قياسي بس فجاه سمعت صوت عمتي وهي تشوفي واقفه مع الولد وتقولي رح افضحج بين الحريم وقتها خفت وفصخت الجوتي ورجعته فالعلبه وقلتله خلاص روح انت اللحين وركضت داخل ولقيت عمتي تصارخ وتخبر الناس الي فالمجلس عن الي صار وبديت اصيح لكن الغريب كان ان كل حد كان مستغرب من عمتي والناس بدت تواسيني وتقول لا تخافين نحن مصدقينج وبعدها خلص الحلم. البارحة كنت اتكلم مع هذا الولد الي شفته فالحلم وصار موقف خلاه يعترفلي بمشاعره تجاهي ونيته في ان يتقدملي لكنه قالي ان انتي ماتعرفين كل شي عني وقبل لا تصير اي خطوه لازم تعرفين اني من جنسية مختلفه عن جنسيتج وكانت هاي اول مره يقولي فيها بعد معرفه صارلها ثلاث سنوات وقتها تذكرت الحلم وحبيت افسره لان مب عارفه شو الي لازم اسويه. الجنسية ممكن تكون مشكله تخليني ما اقدر اوافق عليه لكن حابه اتاكد من هالشي من خلال الحلم الي حلمته. بانتظار ردكم وشكرا