السلام عليكم ياشيخ، انا حلمت حلم فيه ثلاث افاعي، بداية الحلم حلمت اني قاعدة أكل وبلقمة حسيت بملمس غريب فتفلت اللقمة بالارض وكانت أفعى لونها اسود وصغيرة الحجم (بحجم نص اصبع اليد) وماماتت كانت تتحرك، وفجاءه بالحلم كانت فيه افعى نوعها (ام جنيب) تلحقني وتبا تضعني وما اقدر اتذكر اذا انا او شخص معاي ما اعرف منو اهو او اهي المهم قطع الافعى من النص صارت الافعى نصين ( نص ذيلها ونص راسها ) اقتربت منها ابا اشوفها والشخص الي معاي يحذرني يقول لي لا تقتربين منها حتى لو قطعتها نصين راس الافعى يبقى حي ما يموت ينتظر الشخص يقترب منه ويهجم عليه لازم نقص راس الافعى من النص نفصل راسها يمين ويسار عشان تموت، وفعلاً قص راس الافعى من النص فصارت الافعى ثلاث قطع ( قطعه ذيلها وقطعه راسها اليمين وقطعة راسها اليسار ) وماتت، وبعد مره ثانيه لحقتني افعى ثانيه نفس النوع ام جنيب وتحاول تعضني وماتت ياشيخ بنفس الطريقه اول شيء قصيناها بالنص فصلنا الذيل عن الراس وبعدين اقتربت اشوفها مره ثانيه وتكرر نفس الكلام والنصيحه اني ما اقترب منها ولا بتعضني لانها ما ماتت اصلا ورجعنا قصيناها من راسها وصارت ثلاث قطع وماتت، هذا كل الحلم ياشيخ ثلاث افاعي بس اول افعى السودا الصغيره الي اكلتها وتفلتها ماماتت، اما الافاعي الاثنين ام جنيب ماتوا.