السلام عليكم شفت في منامي اني سافرت العمره انا واخوي وعمتي و ولد عمتي مع العلم عمتي هذي انسانه اذيه مش زينه ولها فالسحر وهذي الاشياء المهم فالمنام حلمت اني وصلت الفندق ولما شفت اخوي قلت لها ما شاء الله الله بارك لك مرتين تعتمر في رمضان ولما شفت عمتي قلت لها انتي شو ما تخافين ربج ساحره وجايه بقوه عين العمره اذيتي الناس ما رحمتي احد انتي شو من بشر وهي تصيح تقول انا ما سويت شي انا ما يخصني قلت لعا بعد تكذبين وكل الادله عليج شو تردين انتي قلت لها بعدني روحي عني اكرهج سوي نفسج العابده تنافقين خافي ربج وولدها كان منكسر وحزين وهي نفس الشي منكسره وحزين وكانها ندمانه على كل شي انا طلعت على اساس اعتمر وانا رايحه اقولهم وين درب الكعه اشوف انهم مسكرين كل الاماكن اقول شو فيكم شو قاعد يصير ليش هالتصليحات فالحرم واريد اطوف واخلص عمرتي المهم خلص المنام وانا احاول اوصل للكعه وانا ادور كنت احس نفس الخنقه في صدري بس هذا هو المنام مع العلم انا عمتي هذي اكرها وقطعتها وسمعت انها الحين انعمت ما تشوف انا ما اوصلها للامانه ولولدها هذا مطلق زوجته وكان مرويها الويل ومن فتره كان يحاول يرجعها ويبكي يريدها نفس الفتره اللي امه تعبت فيها اريد اعرف شو تفسير هذا المنام لان مش قادره اشله من مخي