السلام عليكم ورحمة الله وبركاته لو سمحتوا عندي سؤالين : الاول : ايه الاحلام اللي بتدل على قبول الله للتوبة ورضاه واستجابة الدعاء ؟؟ ثانيا : في احلام بتتكرر معايا كتير فكنت عايزة اعرف ايه الرسالة اللي ربنا بيوصلهالي من الاحلام دي ؟ 1- التكبير بصوت مرتفع : يعني مثلا بتكون في عصابة او حيوانات بتلاحقني وعايزة تئذيني فانا بكبر 2- قول (لا اله الا الله وحده لا شريك له له الملك وله الحمد وهو على كل شيء قدير ) وممكن حد يلفت انتباهي ليها او انا اقولها لحد او احفظها لطفل او اخلي ولاد اخواتي يقولوها ورايا 3- التخدير : يعني تبقى في عصابة معاها مخدر رش وعايزين يخدروني وانا بحاول اهرب منهم او احاول مخليش المخدر يجي ع وشي وكدا واحيانا المخدر بيكون اللي هو يخلو الشخص يفقد وعيه تماما بس دماغه معاهم ويسيروه ع كيفهم يعني يعمل اللي همه عايزينه 4- التعابين الكتيرة والعقارب : بشوف البيت مليان تعابين وكل مروح مكان الاقي فيه تعابين واحيان بكون عند الجنية وكل مااعدي جنب شجرة تطلعلي منها تعابين ضخمة وشكلها غريب . وبشوف دايما عقارب تلدغني ف رجلي وانا احاول اطلع السم منها واخر مرة شفت اني انا واختي شربنا ماية كان فيها سم عقرب 5- دايما بحلم بالمسيحيين يعني الحلم كله ابقى وسط ناس مسيحية اعرفها وناس معرفهاش واحيانا بروح قرية كلها مسيحية وبتكون كلها بيوت قديمة 6- وكتير بحلم اني بهرب من عصابة او من شرطة او من حرب واروح مكان كله بيوت قديمة وناس غريبة 7- الطيران ف الجو زي الطائر : ع طول بحلم لما حد يلاحقني ناس او حيوانات واحيانا من غير محد يلاحقني بلاقي نفسي بطير ف الجو بس مش ف السما يعني احيانا بكون مرتفعة عن الناس بشوية واحيانا بكون فوق البيوت 8- ع طول بحلم اني ع السطوح اما اني بطلع السلم ورا حد وبطلع بصعوبة واقعد او بكون هاربة من حد عايز يئذيني وبستخبى 9- دايما بحلم اني ف المعهد اللي كنت فيه ف ابتدائي او مدرسة اعدادية (وانا حاليا ف الجامعة) وبكون قاعدة ع مقعد ف الفصل وبشوف زملائي اللي كانوا معايا ف ابتدائي او اعدادي البنات والبنين وكتير بشوف انه اول يوم ف الدراسة وببقى طالعة بكير قبل الموعد بكتير واحيانا بتكون لسة الشمس مشرقتش او ف وقت الشروق ومش بكتشف اني طالعة بكير غير انا وف الطريق بسأل حد عن الساعة ف الغالب بتكون خمسة او خمسة ونص او اني اشوف نفسي رحت المعهد او المدرسة ومش عارفة فين فصلي بفضل اطلع وانزل ع السلالم وادور واسأل واوصل للفصل بعد تعب وجهد واحيانا بدخل فصل واجي اقعد يقولولي لا اسمك مش هنا روحي الفصل التاني وبحمل كتبي وادواتي ف حضني واروح الفصل التاني 10- اخدت فترة كبيرة كنت بشوف اني ماسكة مصحف وعايزة اقرا قرآن وف الغالب بتكون ف اذاعة مدرسية فانا وبقلب ف المصحف عشان اجيب مثلا سورة معينة اقرا منها تقابلني سور غريبة اسماءها غريبة وكلامها مختلف عن باقي السور وبيكون الكلام صعب فانا بقول ازاي السور دي موجودة ف المصحف ومحدش يعرفها !! وبحاول اقرا فيها بس بصعوبة # انا اسفة اني طولت ف السرد وقلت حجات كتيرة بس بجد كنت عايزة اعرف ايه الرسايل اللي بيوجهالي ربنا من الاحلام دي وانا مش فاهماها ؟ لانها بتتكرر معايا بقالها سنين بشكل شبه يومي