السلام عليكم يا شيخ حلمت امس اني كأني كنت ماسك خط ووقفت عند مطعم ولا محطة ما اذكر وكنت ادور حمام عشان اتبول وانت بكرامة، فشفت اخوي الكبير جالس على الطاولة الخارجية للمطعم وجالس ياكل وانا رحت ادور مكان عشان اتبول لكن ما حصلت حمام ف بلت وانا واقف على الرمل وكنت ما ابي حد يشوفوني، بعدين شفت اخوي جاء لعندي وشافني وانا اتبول وجلس يضحك علي وانا من التوتر مشيت وخيست نفسي بالبول وعقبها مشيت لسيارتي وشفت اخوي بعد ساير لسيارته وطلعت من المطعم وكان الطريق شبه وعر وانا عندي صالون واشوف الناس تشرد من الشرطة وانا احاول اشرد وياهم واخاف اني احك سيارتي، بعدين طلعت حفرة قدامي وانا لفيت السياره بقوه وانقلبت السياره داخل الحفرة لكن ما صار فيني شيء، فجأة اشوف ناس تسحبني برع السياره وطلعوا اصدقائي واسمعهم يقولون بتعجب اووه هذا فلان وكانوا من نمرة صوتهم شوي متذمرين وانه شو جابه في هذا المكان وانا سويت نفسي متعور من الحادث وما تكلمت.