عمري ٣٣ متزوجه وعندي بنت حلمت انني رايحه مع امي عشان امي تبي تشتري شنطة لماركه مقلده من لمحل شنط لماركات تقليد وكنت البس شنطتي الصغيره المهتريه وكنت حاطه بداخل شنطتي بوك فيه بطاقاتي ( الهويه الوطنيه وبطاقة الصراف) ولكن اعرف ان بطاقه الصراف في الحلم مافيها كثير فلوس ونا بالمحل دخل علينا اخ زوجي وزوجته وباشرتني بالسلام زوجته وسلمت عليها وكانت هي لابسه شنطه قماش مكتوب عليها ولونها بيج وكحلي وحجمها صغير بس مليانه كانت شايلتها على كتفها وكنا مبسوطين من لقائنا لبعض وكنت احس بالحلم انها انحرجت مني اني قابلتها بالمحل هذا وكاني عرفت انها تشتري شي مقلد وحطيت شنطتي على طاولة المحل وكاني مابيها تشوف شكل شنطتي المهتريه ونسيتها هناك وخرجت اتمشى معها هي وزوجها ونتكلم مع بعض الين بعدين تذكرت شنطتي فغيرت طريقي وقلت لهم بروح اشوف امي ومريت بطريق بين اشجار وكانت جذوع الاشجار تعلق فيني وازيحها عني ويوم طلعت من الطريق حصلتهم على يساري يمشون بطريق اسهل من طريقي ورجعت المحل سالته عن شنطتي طلع لي شنطه لونها عودي محمر جلد وطلع داخلها بوك وقالي هذي ؟ قلت لا طلبت منه ادور بنفسي رفض عصبت عليه وقلت له انا حطيت الشنطه هنا واذا ماطلعتها بطلب الشرطه بعدين خلاني ابحث بنفسي وحصلتها في مكان ثاني وخفت اني ظلمته لكني كنت متاكده اني حطيتها على طاولته فقال لي بما معنى كلامه انا مابسرق منك شي وكانه يقلل مني عشان شنطتي مهتريه فتحت البوك وحصلت اغراضي في مكانها اخذت اغراضي وطلعت