مرحبا ... حلمت انى بصالون وان الكوافيرة تسوى شعري ورفعت ببنس وقالتلي روح عند الثانيه تكملج وانا رايحه اسمع وخدة تقول لاختى منو بيدخل مع المعرس القاعه من اخوانج قالت اختى من عاداتنا اهل العروس مايدخلون مع المعرس القاعه بس لو ابوى عايش اكيد كان بيدخل مع المعرس لان ميرة (انا) اخر العنقود وانهرت من الصياح يوم سمعت اختى تقول .. وبعدها كنت لابسه فستان ابيض وطرحه وحالسه ع الكوشه والكوشه مليانه كراسي فخمة ..ودخل المعرس مع الرجال و البشت كان ع يده و حطاه ع الكرسي وسلم ع الرجال وطلعو وهو جلس علل يساري وجدته عنده واخته على يمينى وكانت تسولف معاي وانا صديت عليه شفته لابس البشت ومسك ايدى قتله عيب القاعه مليانه حريم .. وبعدها هو طلع راح عند الرجال والحربم يرقصون بس ماكنت اسمع صوت اغانى ... وامه جت تسولف معاي وجلست عند امها جدته مكان المعرس وفحاءة سمعت دعاء اللهم بارك لهما وبارك عليهم وقران ... الام والاخت والجده بالخقيقة ماعرف اسمائهم بس اشوفهم بالمناسبات واعرف انهم من اهلي .. والمعرس اول مرة اشوفه وكان وسيم