حلمت اننا رايحين training لدكتورة إنجي .... و كنت انا و كم بنت مش فاكراهم و معانا سارية... كنا قاعدين في كافيه كدة انا و البنات ... وسارية طلع قعد على طاولة برة الكافيه و معاه واحد صاحبه ... وانا كنت متضايقة قوي انه اتجاهلني و راح قعد مع صاحبه دة غير ان صاحبه دة انا مرتحتلوش نفسيا... و بعدين رحت على مراية اصلح طرحتي .... لقيتني لابسة خمار كحلي و قميص ابيض طويل حرير و جيبة كحلي و شوز مستور بكعب صغير لونه كحلي كمان ( انا في الواقع بلبس بنطلون و قميص و حجاب عادي) زبطت حجابي ورحت لدكتورة إنجي اعتذرت منها اني مش هقدر احضر معاها التريننج و مش فاكرة كان ايه السبب وهي تفهمت عادي... رحت مشيت لقيت اوضة كدة في ممان عالي شوية دخلتها لقيت محمد ابن خالتي بس شكله شخص تاني عيونه خضر و شعره اشقر و كان حلو قوي... سلم عليا و قعد يحكيلي عن نفسه و شغله... دخل علينا خالو صابر قعد يمدحلي في محمد و يقولي شايفة عمل ايه و شايفة اشتغل ايه و انا عاجبني شكله قوي بس الموضوع مقفول من جوايا ف قعدت ارد عليهم انه ما شاء الله ربنا يوفقه و مشيت ... قابلتني دكتورة إنجي في الطرقة قعدت تزعقلي قدام البنات.... قالتلي انتي قلتيلي انك مش هتحصري عشان عندك ظرف كذا كذا و قاعدة مفيش وراكي حاجة و بتاكلي ... ولفت وشها مشيت... قمت ناديت عليها حلفتلها اني ممنتش فاضية و اني مأكلتش من الصبح والله خالص... قامت بصتلي بارتياح كدة و قالتلي انا هروح اتفاهم معاه ( سارية) على اساس ان هو الي بلغها عني كدة... رحت معاها لقيت ناس الميتنج كلهم في امتحان و انا دخلت قعدت عندهم و انا لابسة الخمار و القميص الحرير ر شكلهم حلو عليا على غير المتوقع.... انا شايفة ورقة امتحان سارية من بعيد فاكرك ان مكتوب عليها 41 او 44 اخدتها منه دكتورة إنجي لقته جايب 66 و انبسطت منه و قالتلي هو معاه حق يا ندى الدرجة دي على كل ال trainings القديمة مع بعض ... و انا كان معايا ورقة امتحان جايبة فيها 41 و دكتورك انجي كمان علقت على بنطلون سارية قالت بقى بيلبس بنطلونات سودة... و قعدت وسطهم لقيت خيارة أكلتها