لسلام عليكم .. اختي رأت هذا الحلم الذي اريد منكم تفسيره علما بأنها متزوجه ، واختها التي كانت معها بالحلم واسمها نوال هي ( انا ) والحلم جعله الله خيراً هو ( شفت حالي بمكان كبير كله ناس ومعي اختي نوال والمكان هاد كله قزاز مش حيطان وفي ناس كتير وانت كنت بمشط لاختي بشعرها وفجاه المكان فضي وحتى اختي راحت وضليت لحالي ومع بنت صغيره والمكان صار عتمه وصرت اشوف ناس يتحاول تهاجمني وانا بتطلع عليهم من ورا القزاز .. بعدين شفت حالي محل ماانا ببيتي بس الغرفه اللي انا فيها موحشه وفي عالارض دمى من اللي بنعملوا عالايد وفيهم حشوه قطن شفتهم حواليي بكل مكان وفيهم مخزوز دبابيس .. وفجاه بصيروا هدول الدمى يتحركوا ويقوموا من اماكنهم .. وبشوف وجوه مخيفه باجسام بني آدميين بس وجوههم مرعبه بعمري ماشفت زيهم انا واثقه انهم جن مش انس وكانوا يحاولوا يأذوني وانا اهرب منهم واحاول اصحى مش قادره بدي انادي على جوزي يصحيني صوتي مش طالع وبعدين شفت حالي اني بصحي محمد جوزي بلاقي وجهه مرعب جسمه نفسه بس وجهه كانه جمجمه حيوان مش انسان عيونه لونهم ازرق جاحظين واسنانه زي فك الحصان مُرعب جدا .. بحكيلي بدي اروح اشوف المرايه ازا فيها اشي او لا وراح لعند المرايه اللي في بيتنا قبال غرفة النوم فوق المفسله رد رجع وحكالي تعالي بس لمارجع ماكان هوه كانت وحده بدون عيون شعرها ابيض ولابسه فستان طويل صارت بدها اياني الحقها بس انا مارضيت وصحيت بعدين مرعوبه وميته خوف وكنت طول الحلم وانا بقرأ آية الكرسي والمعوذات عشان ابعدهم عني .. وفعلياً انا كنت صاحيه بس مش قادره احرك اشي من جسمي ولا اصرخ ولا احكي ولا اتحرك كأني مشلوله ) انتهى الحلم