شفت في غرفتي عنكبوت كبير اسود على الستاير في غرفتي قلت في خاطري كيف هذه العنكبوت وصل عندي كيف دخل غرفتي الحين كيف بيطلع اذا الدريشه مو مفتوحه واخاف اقرب ويهاجمني لازم اكلم امي بعدين لما ناديت امي وهي في غرفتها قالت لي لا تتعبيني يا مريم تخافين من عنكبوت صغير اقتليه عادي قلت لها لا هذه مو صغير هذه عنكبوت كبير قلت لها لازم تجين معاي تشوفينه وسحبتها بالقوه لين غرفتي ولما امي دخلت غرفتي شافته على الجدار وهو كان على الستاير يوم انا شفته وبعدين تحرك قدام عيني انا و امي ومشى لين الستاير ورجع نفس المكان في الستاير، امي قالت من وين هذا قلت لها ماعرف بس لازم نقتله امي كانت بتقرب قلت لها لا اذا حد قرب عادي يطير فوقه قلت لها لا نقتله قالت لي كيف بتقتلينه ما تقدرين وايد كبير هذه قالت خلاص خليه بنسكر الغرفه قلت لها لا مستحيل اذا خليناه انا ما بقدر ادخل غرفتي ويمكن يطلع من غرفتي يروح لغرفة اخواني ولا يمشي فالبيت لازم يموت هذه مهما كان امي قالت كيف بعدين امي نادت الخدامات بيقتلونه انا قلت لها بطلع من الغرفه م اقدر اقعد فيها وطلعت بعدين امي جت قالت لي خلاص قتلناه قلت لها كيف قتلتوه اريد اشوفه امي قالت خلاص قتلناه قلت لها لازم اتأكد انه مات عشان ارتاح اذا ما شفته م بقدر ادخل غرفتي بخاف لازم اشوفه انه مات وقمت من النوم.