السلام عليكم ورحمة الله وبركاته لو سمحت في حلم شفته بالنهار وانا صايمة بس كنت عايزة اعرف اذا له تفسير او لا بتتذكر حضرتك الشاب اللي قلتلك اني دايما بحلم بيه واني بدعي ربنا يكون نصيبي ...وبعت لحضرتك أحلام فسرتهالي انه لقاء بينا وتطور أمور جدية قد تصل للزواج احنا من فترة كدا انقطع التواصل بينا تماما وانا فوضت امري لله وقلت خلاص مش هفكر فيه تاني واللي يريد بيه ربنا واللي يختارهولي هو هيكون جيت ف يوم نمت شوية بعد الظهر ومكنتش بفكر فيه قبل منام ولا حاجة وشفت انه بعتلي رسالة ع الواتس فانا قلت ف بالي تلاقيه عايز حاجة مصلحة تخص الشغل وكدا فكنت محتارة ارد عليه ولا اسيبه لما يتكلم هو ويقول عايز ايه بعدين بفتح الفون لقيته حاطط صورة البروفايل لمكان مصوره بمصر... وهو فلسطيني فعرفت انه جه مصر وكان في مدرسة تخصه هو وانا كنت ف مبنى كدا وببص من فوق ولقيت المدرسة دي تحت المبنى وفيها ناس كتيرة وكانت حلوة وواسعة ورايحة تبدأ إزاعة الصباح فقلت ف نفسي معقوله يعني هو كان عايزني عشان ابدأله الازاعة بالقرآن وكنت بدور عليه من فوق بعدين جه شاب جارنا متوفي قريب هو اسمه محمود صبري فجه جنبي وقلي بدل ماانتي عمال تدوري عليه وعايزة تشوفيه وسط الناس دي كلها ومش هتقدري تجمعيه انزليله تحت وروحيله هو عايزك قولتله يعني هو كلمك وقلك انه عايزني ؟؟! ..قلي اه روحيله وكنت لابسة زي المدرسة بتاع ابتدائي البيج كنت لابسة البنطلون والقميص بس مكنتش لابسة المريلة اللي من فوق قلتله طيب هروح البس المريلة اللي من فوق وانزل اشوفه بعدين دخلت كدا ف مكان كان غريب ع اساس انه تبع مدرسة وكانو معايا صحباتي بتوع ابتدائي وكان في اوض كدا خاصة بنغير فيها ملابسنا بعدين رحت غيرت وكنت بلبس ف الخمار قدام المرايا وبحاول ازبطه مش راضي يتزبط وكل شوية تيجي صحبتي اسمها فاطمة وتشدني من ضهري ومش مخلياني عارفة البس بعدين زعقت فيها وقلتلها سيبيني اعمله زهقتيني وبعدين زبطته بس بصعوبة ودخلت اوضة تانية كانت اوضة نوم ع اساس انها بتاعت اتنين كبار مس عارفة امي وابويا ولا حد تبع المدرسة المهم لقيت نفسي لابسة طرحة لبني وتقريبا وحدة بيضا تحتها فقلت لازم البسلها عباية تليق عليها فكنت لابسة عباية تركواز صليت بيها العصر وبعدين قلت اغير البس وحدة لبني افضل وعشان تبقى ماشية مع الطرحة وبعد مطلعت من الاوضة كانوا امي واخواتي مجتمعين ف مكان وامي نادت عليا كانت عايزاني وكان في جزار قاعد بين المكان اللي فيه امي واخواتي وبين المكان اللي فيه هو الشاب وامي قالتلي بعد شوية هبعتك عند الجزار دا فقلت ف نفسي خلاص لما امي تبعتني ابقى اشوفه بالمرة وبعدين رحت عند امي واخواتي وكان في مناسبة جاية بيجهزولها فقالولي بكرا هتروحي عند مرات ابن عمك (اسمها انتصار) وتطبخي معاها .. واختي قالتلي دا انتي محظوظة اخدتي شغلانة حلوة كنت انا اللي عايزة كدا وبعدين جه الشاب المتوفي وقلي يلا تعالي عند الشاب وهمه ف الجنينة بتاعتنا راحت امي قالتلي بيقولو الشاب فلان هو عايزك وقالتلي اسمه واسم والده ..رحت قلتلها عند ودنها بصوت واطي عشان اخواتي ميسمعوش هو مفسر الاحلام اللي كنت قايلالك عليه قبل كدا ..قالتلي اه الفلسطيني .. قلتلها اه وبعدين جه اخويا واخدني وطلع معايا ومسكت ايده وقلت ف نفسي اني مش هسلم عليه بايدي هقول السلام عليكم وخلاص فهو الشاب مد ايده ع اساس يسلم ع الكل يعني بعدين اتفاجأت لقيت اخويا مسك ايدي وحطها ف ايد الشاب وانا اتكسفت فمسلمتش عليه كويس وسحبت ايدي وكان اخويا الكبير كان بيساعده هو والناس اللي معاه ف شغل كدا زي ميكون كانو بيعمروا مكان وكدا وبعدين اتلمينا وقعدنا ف الجنينة وانا كنت مبسوطة ومتعجبة قلت معقول ربنا يحققلي اللي بتمناه بالسهولة دي برغم انه كان بالنسالي صعب ويكاد يكون مستحيل وكمان معايا اخواتي الشباب ومبسوطين!! وبعدين اخواتي قعدو يتريقو عليا ويقولوي انتي ازاي بتسرحي شعرك وهو غزير كدا قلتلهم بالبركة زي مبيجي معايا وكان باين ف الحلم انه مش حلو واخويا الكبير مسح عليه وانكشف حاولت اداريه قدام الشاب واداقيت من تريقة اخواتي بعدين لقيت وحدة كان معاها سشوار رحت اخدته منها وسشورت شعري وبقى حلو