السلام عليكم دكتوره .. دكتوره انا صارلي متزوجه ١١ شهر رزقت بابتني الصغيره من شهر في البدايه تعلقت بزوجي فتره كبيره وكنت احس ان زوجي معجب فيني ويحبني .. بعد شهر من زواجنا اكتشفت ان على علاقه معع بنات وكان يتكلم عني اني انا مب جميله وما فيني انوثه بدون مكياج وان هو استعجل في القرار وان راح يزوج بعد سنه بعد ما يجيب مني العيال وراح ياخذ اجنبيه او غير جنسيه مو شرط مواطنه وشفت كلام كثير .. كبر الموضوع وطلبت الطلاق بس ما رضى يطلقق تراضينا لكن صار عندي الموضزع عدم الثقه والشك .. والغيره ولكن لازل ان هو على علاقات وكل يوم اكتشف حد يديد معاه ويقول ان هو مو قادى يترك هالشي بس انا تعبت وغيرتي الزايده والشك خلتني ما اعرف اتعامل معاه علما اني تدينت له كثير لان وضعه المادي صعب وانا الي اصرف اكثر شي ع البيت واخر نزاع صار بينا خيرته بيني وبنته وبين البنات وقال انا ضعيف ما اقدر ورضا بالطلاق والانفصال عشان يرجع يعيش حياته وهو مو قادر ع الزواج والمسؤوليه