حلمت اني بين الموتى واتمشى معاهم وحياتهم كانت نفس حياتنا وكنت اشوف كل الموتى على شكل بشر يتمشون عندي ، وكنت اعرف اني انا العايش الوحيد بينهم ، كنت اتمشى مع ربيعي المتوفي وقلت له ابغي اشوف ابوي وينه قالي تعال بنسأل هذا الريال يمكن يعرف وينه ابوك وسألنه الريال قال لحظه بدور عليه ، وعقب شفت ابوي المتوفي ياي عندي حضنته وقمت اصييح وسألني ابوي عطوك مفتاحين مال الخزنة من العزبه قلت له لا وعقب قالي عطوك مفتاح الخزنه اللي في البيت قلت له لاه قال تعال امشي معاي وعقب عطاني فلوس قالي خلها حقك قلت له مابا ورد قالي خذ الفلوس هذيله حقك قلت له ان شاءالله وراح ابوي ، وعقب قمت افكر شو كان يقصد ابوي عن المفاتيح ورجعت ادور على ابوي مره ثانيه وحصلته رحت ابغي اسأله وشفت اختي المتوفيه يايه عندي وجت عندي اتبوسني واتسلم عليه وعقب رحت ماقلت لأبوي شو كان يقصد عن المفاتيح ورحت امشي مع شخص قلت له ابغي اشوف الرسول صلي الله عليه وسلم قالي مايستوي لازم اوديك عند شخص وتحلف وأتوب ،،،،