السلام عليكم دكتورة سوزان شكرا على الرد انا واجهته وسالته عن الزواج لما كملنا ٤ سنين مع بعض وكان جوابه انه امه اختارت له وحده يتزوجها لكن هو ينتظرها تخلص دراستها وهذي الاجابه دكتوره كانت كذب وانا فهمت انه ماوده يتزوجني وتركته ، ولما تركته هو ركض وراي وقالي لاتخلين هالموضوع يفرق بينا ، يمكن الله يكتب نصيبي معاج مو معاها وانا ابغيج انتي في حياتي ، انا رجعت له مش عشان كلامه عشان نفسي وراحتي لاني احبه وارتاح معاه والحمدلله تقدم لي كذا شاب لكن الله ماكتب النصيب ، وماوقفت نصيبي عليه فاستمرينا على علاقتنا ، اما الحين لما كملنا ٦ سنين عدت صياغة السؤال عليه وتغيرت اجابته وقلت له هل في نيتك تتزوجني هل فكرت فيني كزوجة ، قالي فكرت فيج كزوجه وعندي نيه اتزوجج ، لكن انا ماعندي نيه للزواج الحين ومش مستعد له ، قلت له شو الي يخليك تتاخر في انك تقدم على الزواج الى الحين ، قالي اول الاسباب انه انا مرتاح معاج ومابغي اخسر هذي الراحه ، يعني اذا تزوجنا ممكن اخسر راحتي معاج قلت شنو تقصد يعني ، قال نحن جذي حلوين ومتفاهمين مع بعضنا هل هذا يعني دكتوره انه هو مايفكر بشكل جدي للزواج مني هل يعقل خوفه للعلاقة بعد الزواج هي السبب وماثره عليه نفسيا ؟