حلمت ان عندي في المجلس وايد حريم فدخلت المجلس وشفت حريم اعرفهم وما اعرفهم وكانو مستأنسين و يضحكون وشفت زوجات اخوان زوجي لابسين ملابس فخمه بس لونها اسود وعليهم كريستال و كانو يتهامسون مع بعض وفقلتلهم اسموحولي بروح اتعدل واييكم فشفت بنتي الكبيرة اتقولي امي في وحده لابسه لبس عروس واقفه برع تبا اتكلمج فطلعت في الحوش فشفت حديقة بيتي فيها زهور اشكل وأنواع جميله و شفت زرع اخضر وحلو شي جميل وخيالي وعقب شفت الباب الصغير الخارجي يدخلون منه بنات صغار في أيديهم مصاحف ملونه فقلت في نفسي ان اليوم في درس قرأن للبنات وعقب فتحت الباب الكبير شفت صديقتي للعلم انها مب متزوجه لابسه لبس عروس ابيض وقالت انا يبت علشان اعزمج بنفسي قالتها ان شاء الله بس انا عندي معازيم ان شاء الله بيي بحاول قالت لازم تين قلتلها ان شاء الله روحي اجهزي سوي شعرج وخطي ميك أب و انا بحاول