في حلم شفته من فترة حلمت كان في وحدة عندنا في البيت ومعاها طفل عنده حوالي سنتين أو تلاته فهي دخلت الحمام وسابت ابنها معايا فقعدت العبه وكل مااسيبه مع حد اخواتي أو امي يفضل يشاور عليا وعايزني انا اشيله وانا كنت عايزة ادخل الحمام وكنت مستنيه الست دي لما تخرج ،وبعد ماخرجت دخلت فلقيته حمام جماعي فيه كذا مرحاض وكان نضيف جدا مفيهوش اي وسخ، ولقيت فيه شاب غريب بعدين جيت اقعد اقضي حاجتي (أعزكم الله) كان في مرحاضين شابكين في بعض واحد بيطلع مية سخنة والتاني باردة بعد ماقعدت ع واحد منهم تقريبا الساخن بعدين قومت تاني وانا اصلا كنت خجلانه من الشاب دا اللي كان قاعد فكان في حمام تاني داخله فروحت دخلت فيه مكانش في حد ولما قعدت ع المرحاض راح دخل الشاب دا عشان يغسل إيديه ع الحوض وانا كنت من غير هدوم خالص (أنا آسفة متآخذنيش) ومكنتش كدا الأول ،بعدين اول ماشفته استحيت منه روحت نزلت في الأرض واستخبيت منه بس هو وطالع شافني وابتسملي بعدين كان معاه حاجة كدا زي الألعاب النارية بتترش فهو حب يفاجئني راح رشها بس كان فيها كهربا فأول مارشها في الحمام أنا اتكهربت لإنه كان جسمي مبلول فحسيت نفسي خلاص هموت وروحي بتطلع فوقعت في الأرض وقولت :يارب استرني بعدين فوقت ولقيت هدوم بتاعتي كانت في ركن في الحمام ع الأرض ولقيت الإسدال اللي بصلي بيه فأخدته عشان البسه ولقيت نفسي لابسة بنطلون ولبست تيشيرت قبل مالبس الإسدال قولت عشان الإسدال مليزقش فيا وانا مبلولة فكدا استر وانا وبلبس في الإسدال مش عارفة البس الكمام بدخل إيديا مش قادرة فجه الشاب دا وساعدني ولبسني كويس وخرجنا انا وهو ولقينا تقريبا أهلي وكان في ناس تانية كدا مجتمعين وانا فرحت إني لبست الإسدال وربنا سترني